طالبان تاجیکستان را تهدید کرد!

عبدالسلام حنفی، معاون نخست وزیر طالبان نیز در گفت وگو با این شبکه قطری اظهارات رئیس جمهور تاجیکستان مبنی بر تشکیل دولت جدید در افغانستان را محکوم کرد.

حنفی به الجزیره گفت که تاجیکستان نباید در امور ما دخالت کند. به نفع هیچکس نیست و هر اقدامی واکنشی خواهد داشت.

وی همچنین مدعی شد که پشت بمب گذاری های اخیر در جلال آباد سازمان های اطلاعات و امنیت کشورهای منطقه قرار دارند.

عبدالسلام حنفی افزود که "ما اجازه نخواهیم داد هیچ کس امنیت افغانستان یا امنیت دیگران را در این خاک تهدید کند."

معاون نخست وزیر طالبان همچنین به رسانه «الجزیره عربی» گفته است اگر جهان می‌خواهد طالبان مواد مخدر و تروریزم را از بین ببرد، باید دولت ما را به رسمیت بشناسد.

او همچنان ابراز امیدواری کرده که چین به دلیل عضویت دائمی در شورای امنیت، بتواند نقش مهمی در به رسمیت شناخته شدن دولت‌ طالبان ایفا کند.